"عشق مجيد 😍" ذات وجه دميم... بقلم/ايه محمد
الفصل الاول 😍
الشخصيات:
مجيد صفوت (البطل) : خريج كلية الهندسة....عمره 30 سنة ... يدير شركه والده بعد وفاته.....شعره اسود ناعم .....عيون عسليه....بشره قمحيه.... وسيم لغايه...مفتول العضلات...حنون... لا يحب الظلم .....
يوسف صفوت: ايضا خريج هندسة يدير مع اخيه شركة والدهم.... بشوش... يحب الضحك والهزار...وسيم ايضا.... شعره اسود قصير... عيون عسليه... بشره بيضاء.....
رانيا : ام مچيد ويوسف صديقه لهم وقريبه منهم تحبهم لغايه جميله ورشيقة ...عمرها50 سنة ...لا تحب خطيبة ابنها "سارة".
ساره : خطيبة وصديقة مجيد ...خريجه هندسة ايضا ... مغروره... شعرها بني طويل... عيون خضراء .. بيضاء البشره... جسم كعارضة الازياء.
..................
فرح منصور ( البطلة) : 27 سنة.... خريجه تجاره.. معقده... لديها ندبة منذ الصغر تعوق مجري حياتها سواء شغل او زواج ... ليس لديها اصدقاء .... الجميع يكرهونها سواء قريب او غريب ... محجبه خلف هذا الحجاب شعر اسود طويل وناعم.. عيون بنيه حزينة .. بشره قمحيه
منصور(الاب) : انسان بغيض.... يكره خلف البنات... يعشق المال... لسانه حاد... عنده55 سنه
حنان(الام): نفس حال الاب بغيضه ... معاملتها سيئة اتجاه ابنتها فرح ...تعشق المال ايضا... عندها45 سنه
اسراء منصور(الاخت): خريجه تربيه طفوله ...عندها 23 سنة ...تحب خطيبها حسن ... محجبه... ببشره بيضاء وعيون رصاصي.... مغروره.
.......................... .................
الحج مصطفي البنا
الحج مصطفي: انسان يعرف ربنا... يحب الخير لجميع....
سعاد ( الزوجه) تحب زوجها وابنها معتز... وايضا انسانه تحب الخير ومساعده الاخرين
معتز:.. خريج كليه تجاره .عنده 30 سنه...يحب الجمال.. بيشتغل في ايطاليا . شعر بني ...عيون بنيه ..... عند الغضب لايرحم... يعني انسان اعوذب الله هتحبو بعدين😂😂😂
باقي الشخصيات هتتعرفوا عليها
******************************
انا فين محدش بيرد علي ليه.... دي غابة.... انا ايه اللي جابني المكان ده.... ثم تنظر بعيد... ايه اللي جي علي ده....وبصدمة..ثعبان كبير ومخيف.... تصرخ وتبكي بصوت عالي.... ماما ياماماااا... انت فين... حد ينجدني... تجري بكل قوة.. يااارب مليش غيرك انجدني.... وفجأة ...ايه ده.. بابا وماما... انتو رايحين فين استنوا... متسبونيش لوحدي... ارجوكم... استنوا...ينظروا اليها وعلي وجههم ابتسامة لم تفهم معناها ويختفوا... بصراخ... ماماااا استنييي
حنان بقسوة: انتي يابت يافرح قومي يامقصوفة الرقبة.. كل ده نوم...قومي قامت قيامتك يابعيده... ثم تضربها علي كتفها.
فرح بفظع: انا فين!!!
حنان باستنكار: هتكوني فين يعني نايمه في سابع نومه... قومي اخلصي اعملي الفطار قبل ماابوكي يصحى
فرح بحزن: حاضر ياماما... هقوم احضر الفطار... ممكن تصحى اسراء تساعدني... عشان تعبانه شوية نمت امبارح متاخر كنت بغسل السجاد زي ماطلبتي مني
حنان: وتقوم ليه... يعني هتصنعي الذره... وبعدين مالك ومال اسراء سيبها نايمه دي ياحبه عيني تعبانه ومنمتش من امبارح... وخطيبها عمال يسأل عليها كل شوية... مش انتي مخلصة جامعة وقعده في البيت.. محدش جه حتي يتقدملك.. ولا بص في وشك... طول عمرك فقريه...
فرح بحزن: حاضر ياماما هقوم اعمل الفطار
حنان: وياريت متتأخريش
******************************
بعد انتهاء فرح من تجهيز الفطار
حنان: خلصتي روحي صحي اختك وبراحه عليها وانتي بتصحيها.
فرح: حاضر
قبل ان تفتح الباب تستمع بالصدفة مكالمة اختها مع خطيبها حسن
اسراء : متخافش علي... يلا هقفل قبل ما فرح تيجي وانت عارف طول عمرها فقر وبصراحة بخاف من عينيها...... تكمل بغل قائله..... ماما قالتلي متقوليلهاش علي حاجة.... ومتسمعيش كلامها...اللي زي فرح محدش هيعبرها شوفت الندبة اللي ف وشها ....مخليها محدش عايز يقربلها... حتي ملهاش اصحاب... ولا حتي عريس عايز يتقدملها.... هتفضل عانس كده...
حسن بلؤم: متستعجليش يمكن حد اهبل يجي يتقدملها
اسراء: مين قالك كده... دي وحشة جدااا... والندبة. مخليها شبه العفريت... مش كافيه مستحملين كلام الناس وتريقتهم... تعرف ...ممكن زمان تعمل عملية... بس دلوقتي مينفعش ...
حسن: طيب ياحببتي ...هقفل انا بقا عشان رايح الشغل
اسراء بحب: مع السلامة ياحبيبي
تمسح فرح دموعها المتساقطة فهي قد اعتادت علي سماع هذا الكلام من القريب والغريب....
فرح بأبتسامه : صباح الخير يااسراء
اسراء بجفاء:صباح الخير
فرح: يلا عشان تفطري
اسراء: اطلعي وانا جاية وراكي.
**************************
اثناء الافطار
منصور بغضب : فين البتنجان المخلل يازفته
فرح : اسفه يابابا البتنجان خلص... اول ماخلص فطار هروح اشتري من السوق.
منصور: طول عمرك خيبة.. وملكيش لازمه...ثم ينظر اتجاه زوجته قائلا.... مش عارف مالي ومال خلفه البنات... حمل علي القلب... جتكو القرف...
حنان: مالهم البنات... شوف اسراء بنتك زي القمر ومخطوبة لاجدعها مدرس رياضه وبيقبض فلوس اد كده ...مش ناس خيبة.. فاضلها تلات سنين وتشرف علي التلاتين سنة
فرح في نفسها اياك تعيطي اياك قائله: انا اسفه يابابا مش هتتكرر تاني... بعد اذنك ممكن تسيب فلوس عشان انزل اجيب الطلبات الناقصه من السوق
يخرج منصور من جيبه 200 جنيه قائلا: خد ياختي هاتي النواقص.... قائلا بقسوة... علي الله تجيب عريس ولا حتي تشتغلي... بدل كل اللي يشوفك محدش راضي يشغلك.... بلا قرف
فرح بحزن: بعد اذنكم... انا كلت هقوم اجيب الطلبات
اسراء بغل: ماما مين اللي هيشيل الاطباق دي.... مش انا طبعا... انتي عارفة بربي في ضوفري عشان الفرح
حنان : قبل ماتنزلي شيلي الاطباق دي واغسليهم.... وبعدين روحي علي السوق
فرح: حاضر
*************************
بعد انتهاء فرح من غسل الاطباق تهم ان تذهب الي السوق تستوقفها والدتها قائله : رايحه فين بالشكل ده؟!
فرح: هنزل
حنان بقرف: ادخلي داري الندبة دي بشويه مكياج مش عايزه كل اللي يشوفني بره يسألني سببها ومعملتلهاش عمليه ليه... ورغي كتيررر.... مش هسلك من كلام الناس بسبب سيادتك ....وبحذرك اهو اياك تخرج بره من غير المكياج في وشك.... خلي حد يعبرك ويغير رأيه فيكي.
فرح: بس انا مش بحب احط مكياج وقبل ان تكمل كلامها... تمسكها والدتها من ذراعها بقسوة قائله : قولت ادخلي
بعد انتهاء فرح من وضع المكياج تخرج فتقابلها والدتها
حنان: ايوه كده اتغيرتي 180درجة...شوفتي المكياج ده سحر اختفت الندبة ازاي... روحي يلا ومتتأخريش
****************
في السوق
تسمع فرح حديث بين امراتين تعرفهما
قائلة احدهم :مش عارفه محدش عايز يتقدملها ليه مشفتش حد دخل بيتهم ابدا
امرأه الثانية: شكلها معمولها سحر....وكمان.... طول ما الندبة اللي في وشها ....محدش هيقربلها وهتفضل منبوذه كده علي طول
امرأه الاول باستغراب: فين الندبة دي مش شايفة حاجة ليه؟
امرأة الثانية: مش عارفه ياختي تلاقيها مخبيها بحاجة.... متعرفيش البنات بيعملوا حاجات عجيبه وغريبة في الزمن ده
لم تتحمل فرح هذا الكلام القاسي فاغمي عليها وسط السوق
امرأه الاول بندم: يانهار الحقي...البت اغمي عليها خلينا نفوقها... هاتي المياه دي
بدأت فرح في الاستفاقة من حالة الاغمي ولم تتمالك نفسها بكت.... بكت من اب وام واخت لم تشعر يوم بحبهم ولا بحنانهم حتي الغريب لم تسلم منهم بكت علي حالها... لم تشعر بحنان الام كما تسمع عنه... ولا سند الاب لبناته....اما الاخت كما يقال الصديق الوفي وكاتمه الاسرار لم تشعر بتلك الكلمات... مااسهل الحديث عن هذه الكلمات ....ليس لي ذنب ....كما استحقر هذه الندبة... نعم استحقرها... فهي سبب اكتئابي ...معاناتي ....قله ثقة بنفسي... والحزن الاكبر من نصيب اقرب الناس لقلبي عائلتي سبب كسره خاطري....
***********************
في منزل منصور
دقات متتاليه تفتح حنان الباب وبأبتسامة : اهلا ام جلال اتفضلي ثم تنظر اتجاه فرح وعلي وجهها اثر البكاء
ام جلال: شكرا ياحببتي بس فرح اغمي عليها في السوق ومقدرتش اسبها ترجع لوحدها
حنان: كلك ذوق ياام جلال...
ام جلال : همشي بقا.... يلا سلام عليكو
حنان بنظرات توعد : وعليكم السلام ورحمة الله وبركاته
منصور كان هيخرج لشغله سمع الحوار بين زوجته وجارته.
منصور بحده: فضحتينا ياشيخة...حتي شوية طلبات من السوق مش عارفه تجبيهم
حنان بتسخن الموضوع: والله اعلم كان في شباب في السوق ولا لا.... اقول ايه عليكي حسبي الله فيكي...
فرح ببكاء شديد وقد فاض بها الامر : انا عملتلكوا ايه... ذنبي ايه يجرالي كده... ذنبي ايه متحبونيش... ذنبي ايه محدش عايز يتقدم ولا حتي في شغل... ذنبي ايه القسوة دي تكون من نصيبي...انا معملتش حاجة تأذي حد والله.... ليه كده.... طول عمري بسمعلكوا الكلام... ارحموني مابقتش حمل القسوة والذل ده.
منصور بغل: بتردي علينا ياقليله الادب... شكلك عايزه تتربي من اول وجديد ...بدأ منصور ينهال عليها بالضرب.... وهي كالعاده صامده لعل الله ينجها من بطشهم.
*************************
في منزل الحج مصطفي البنا
تدخل زوجته عليه
سعاد: ياحج.... انت فين ياحج؟
مصطفي: في ايه ياسعاد.... كنت بصلي....مالك كده
سعاد بفرحه: مش كنت في السوق وشوفت بنت زي القمر مع ام جلال
مصطفي : مين ام جلال؟
سعاد: وحده متعرفهاش اتعرفت عليها في السوق وبقينا اصحاب المهم ايه رايك ناخد البنت دي لمعتز ابني
مصطفي : وبعدين ياسعاد ...تالت عروسه تخطبيها لابنك والخطوبة ماتكملش بسبب ابنك... بسبب حاجات تافه... مش حرام علينا البنات دي لازم لما ندخل بيوت الناس نبقي اد كلمتنا ولا انا كلامي غلط؟ وابنك مبيعجبهوش العجب وعايز وحده زي بنات بره اللي بيشتغل معاهم وبيشوفهم في شغله في ايطاليا ....وقولته البنت مش بجمالها بس.... البنت بأدبها واخلاقها وسيرتها الحلوه.. بس ازاي لاحياه لمن تنادي.
سعاد بحماس: بكره يعقل ياحج المهم.... سألت ام جلال قالت عنها كل خير.... رغم ام جلال لسه نقله جديد عندهم بس بتقول عنها ادب واخلاق... ها قولت ايه؟
مصطفي : رأي في ايه...ابنك اهم... لازم يقتنع الاول بيها ونشوف رأيه لانه مش هينزل مصر الفتره دي...
سعاد: وايه يعني... نجوزهالو.. ونبعتهالو علي هناك... وهو يشوف صورتها الاول ويتكلمو مع بعض في الموبايل لو عجبته نروح نتقدم...
مصطفي بقله حيله: طيب ياسعاد شوفي معاد مناسب وروحي لامها واتكلمي معاها انتو ستات مع بعض لو لقيتي في قبول نروح نخطبها علي طول
سعاد بفرحه: اخيرا اقتنعت بكره هروحلهم البيت.
********************
في فيلا صفوت راضي
يجلس بطلنا مجيد علي مائده الطعام قائلا: صباح الخير ياماما
رانيا: صباح الفل والياسمين ياروح قلب ماما... عامل ايه النهارده؟
مچيد: الحمد لله بخير ياست الكل
يوسف : وانا اللهو الخفي يعني.... مفيش صباح الفل والياسمين ياجو ياحلو .
رانيا بضحك: صباح الفل والياسمين وكل حاجة حلوه
طول ما انت واخوك في حياتي
يوسف: صباح العسل يارنوش ياقمر بذمتك يامجيد كل اللي يشوف ماما ميصدقش ان هي امنا بتحلوي يارنوش كل يوم.... الله يرحمك يابابا
رانيا : يابكاش..
كالعاده يجلس مجيد بصمت
رانيا: مالك يامجيد... برضو مش راضي تنسي اللي فاتت... انس يابني عشان تقدر تعيش
يغمز يوسف لولدته لتكف عن الحديث
تكمل رانيا : ياحبيبي العمر بيعدي.... نفسي اشوفك متجوز انت وساره ..... واخوك عايز افرح بيكم قبل ما موت
مجيد ويوسف: بعد الشر عليكي ياماما... وبعدين عندك يوسف كمان اهو عايزين نشبكه في وحده هبله كده
يوسف بضحك: انا بقول نقوم نروح الشركة احسن.
**********************
انتهي الفصل الاول ❤
ايه رايكم اكمل ؟
😍💜
تعليقات
إرسال تعليق