" عشق مجيد" ذات وجه دميم... بقلم / ايه محمد

الفصل الثاني😍

"داخل شركة صفوت للاعمال الهندسية والتصميم "

تدلف ساره داخل مكتب مجيد قائلة: صباح الخير سياده المدير.

مچيد بأبتسامة باهتة: صباح الخير ياسارة.. عاملة ايه النهارده؟

سارة بحزن : الحمد لله.. قولت اجي اسلم عليك بقالك كتير مشوفتكش بسبب شغلك...

مجيد بأسف: متزعليش مني ياسارة... استحمليني انت عارفه.. ضغط الشغل

سارة: عارفة ياحبيبي عشان كده.. انا عاملة حفلة بمناسبة عيد ميلادي وانت طبعا كنت ناسي.

مچيد: وهو انا اقدر انسي....
يخرج من درج المكتب هدية قائلا : كل سنة وانتي طيبة

سارة بفرحة: وانت طيب ياحبيبي ثم تفتح الهدية
سارة بصدمة: ايه ده يامجيد؟!

مجيد:هيكون ايه؟ حجاب... انتي عارفة إني مش هجبرك عليه.. بس نفسي تجي مره وتفجأني  إنك اتحجبتي ارضاء لله وحبا في الحجاب لانه ستر للبنت... وانا شايف هيزيدك جمال اكتر وده مش معناه إنك وحشة.. لكن انتي عارفه... مرأتي احب تكون ملك ليا وبس وبعيد عن عيون البشر...
وامنية تانيه ياريت يكون لبسك واسع عن كده.. ده مش انتقاد ليكي ..انت عارفه اللي بيحب حد وبيخاف عليه بيتمناله كل الخير.. فهمتيني من الجانب الايجابي اللي عايز اوصلهولك...

ساره بتكبر: بس انا مش عايزه اتحجب دلوقتي... وبعدين بحب شكلي كده ...وتكمل لانهاء الناقش
يلا هسيبك عشان الحق احضر للحفلة هستناك بكره باي باي چيچ.

لا ينكر تلك الزيجة ما هي الا صفقة عمل... عند وفاة والده كانت الشركة معرضة للانهيار لولا مساعدت والد ساره له... ومجهوده وهو واخاه لاعاده الشركة كما كانت من قبل... ويأتي عرض والد ساره له بأن يتزوج ابنته ليس لأنه ساعده ولكن يعلم جيدا بأن مجيد الرجل المناسب لابنته المدلله وايضا المتهوره ولن يأمن علي ابنته الا له فهو الزوج المناسب.
فقبل مجيد وتم خطبتهما.
************************
اثناء خروج ساره تقابل يوسف

سارة: هاي چوا
يوسف بإبتسامة صفرا: وعليكم السلام ورحمة الله وبركاته

ساره بتكبر : بكره عيد ميلادي... طبعا مش محتاج عزومه

يوسف: كل سنة وانتي طيبة... هو مجيد قال هيجي

ساره: طبعا وهو يقدر ميجيش....كنت قلبتها عياط وغم علي الكل ....يلا سلام الحق احضر للحفلة

ينظر يوسف اليها قائلا بصمت: غم عليكي.... إنسانه... يلااا مش عايزها تاخد ثواب علي قفايا... نفسي اعرف مجيد طايقك ازاي ؟ وابوكي رجل كويس.....

دلف يوسف داخل مكتب مجيد
يوسف : السلام عليكم

مجيد بابتسامة: وعليكم السلام ورحمة الله وبركاته
جت في وقتك...الورق ده عايز مراجعة... كنت هبعته مع السكرتيره ...المهم عايزه النهارده قبل بكره عشان ...

يقاطعه يوسف قائلا: عشان عيد ميلاد ساره وطبعا هتروح وزي كل مره تضايقك بعمايلها وتصروفاتها .
نفس اعرف مستحملها علي ايه ؟

مجيد: ابوها رجل كويس وغير كده انا مقدرش اسبها هي محتاجني اكون جنبها ..شوفت اخر مره كنت هسبها حصل ايه كانت هتموت نفسها....

يوسف: خلاص ياعم روح الله يسهلك...

مجيد: وانت هتروح معاي

يوسف : لا ياعم مش ناقص حرقه دم.... ابعدني عن حفلاتها... خليني في حالي... خليني غلبان كده

مجيد بضحك: طيب... خليك كده مفيش وحده هتعبرك
يوسف بضحك: ماشي ياعم مجيد... هروح ..وهشوف مين ...مش هيعبرني كده... بس عشان اثبتلك ان اخوك مز واحلي منك كمان...

مجيد: طيب ياعم المز ....خد الورق دول وخلصهم
****************************
منزل مصطفي البنا
سعاد: الووو.. ايوه ياام جلال

ام جلال: ازيك ياام معتز عاملة ايه؟

سعاد: بخير ياحببتي طول ما انتي بخير.... المهم كنت عايزاكي في موضوع؟

ام جلال : خير ياام معتز!
سعاد: خير بأذن الله.... كنت عايزاكي تيجي معاي لبيت فرح منصور البنت اللي كلمتك عنها قبل كده... كنت عايزاها اخطبها لابني معتز.

ام جلال بفرحه: والله هتخطبي زينة البنات... وبنت مؤدبة... وشاطره  والف واحد يتمناها كمان.

سعاد: كلك ذوق ياام جلال.... طيب هعد عليكي بكره نروحلها مع بعض.

ام جلال: باذن الله ياام معتز... ده يوم المنا
**************************
صباحا في منزل منصور
حنان بضيق: يووووه... هي البت فرح مبقتش تصح بدري ليه لازم ادخل اصحيها كل مره كده.

فرح كالعادة حلم جديد ومخيف
انا جيت الاوضة دي ازاي.... ياماما... حد سامعني... في حد بره ....تسمع صوت داخل الاوضة.... وبأذا ثعبان عملاق يقترب منها بلونه الاسود المخيف وهي تصرخ بأعلي صوت ولكن ليس هناك صوت يخرج من حنجرتها...كأن شئ مكتوم بدخلها يمنعها من الصراخ ولكن هيهات....يارب مأذتش حد في حياتي... انقذني يارب.... يقترب منها ثم يقفذ عليها... وفجإة...تمسكه من رأسه غير مصدقه مما رأته... ينظر في عينيها بطريقة لم تفهمها كإنه انسان في هيئة ثعبان مخيف عيون مليئة بالانتقام والشر....وهي غير واعيه بما تفعله تطبق علي رأسه بكل ما اوتي من قوه ولكن....

حنان: بت يافرح... يابت... مالها دي..  انتي يازفته.

فرح بخوف : ايوه صحيت... صحيت ياماما

سعاد بحده: اخلصي... مش كل يوم هصحكي... قومي ورانا شغل كتير يلااا... خطيب اختك معزوم النهارده علي الغدا... وستك ام ابوك(ماجده) ...مش عارفه جايه ليه دي... انا ناقصة شرها وطبعا ابوك منساش اخوته طبعا.... عزم عمتك صفية... وعمتك نجلاء جايين بولادهم .

فرح: حاضر هقوم اصلي وبعدين احضر الفطار
سعاد : بسرعة...
فرح بخوف: ايه حكاية التعابين معاي....وليه دايما عايزين يؤذوني كده... يارب انجدني من اي شر بيلاحقني... واكفني شر خلقك يارب العالمين.
**************************
فيلا مجيد
رانيا: صباح الخير ياولاد رايحين فين.... بدري كده؟

مجيد: صباح الخير ياماما ورانا شغل كتير وعايزين نلحق نخلص بدري ... عشان نلحق نروح عيد ميلاد ساره ....

رانيا: مش هتفطرو ؟

يوسف : لا يا مزتي هنفطر في الشركة

• رانيا: عيب ياولد انا امك.

يغمز يوسف لها ثم يضحك: مين ام التاني بذمتك يامجيد.

رانيا بضحك: مش عارفه مين اللي امها داعيا عليها تكون مراتك.

يوسف: اصدك داعيلها يارنوش... اصحي لكلام .

مجيد بابتسامة: يلا ياسي جوني... عشان نلحق ونرجع تاني.
**************************
تدلف كل من ام جلال.. وسعاد... داخل البناية
سعاد: هم في الدور الكام ياام جلال؟

ام جلال : في الدور الثالث

تصعد كل منهما وتصل امام باب المنزل ثم تضغط ام جلال علي الجرس.

حنان: خليكي انا هفتح الباب... خلصي الملوخية بسرعة.

تفتح حنان الباب قائلة بابتسامة: اهلا ياام جلال... عامله ايه.... اتفضلي ؟

ام جلال: الحمد لله بخير ياام فرح .... ثم تنظر اتجاه سعاد قائلة.. ام معتز صديقتي... كنا جاين نتكلم معاكي في موضوع بخصوص فرح.

حنان بغضب مكتوم قائلة بصمت : عملت ايه الزفته دي.... قائلة بابتسامة صفرا: خير... اتفضلوا

وأثناء دخولهم تطلب من فرح عمل كوبان من عصير المانجو.

تجلس حنان بجانب ام معتز

سعاد: بصراحة.... لما عرفت ان ام جلال جارتكم... قولت محدش هينفع اجي معاه غيرها .

تهز حنان برأسها تحثها علي اكمل الحديث .

سعاد: بصراحة شوفت فرح امبارح لما كنت في السوق... ما شاء الله عليها ...ادب واخلاق.. وكمان الجمال وبصراحة جاية اطلبها لابن معتز... بعد ماشوف ردكم الاول انتي وابوها وطبعا رأيها هجيب الحج ونيجي نتفق علي كل حاجة.

تحول وجه حنان من الغضب الي الفرحة... لكن" في نفسها"... جمال ايه اللي بتتكلم عليه وتضحك باستهزاء علي كلامها ... الله يقطعني نسيت.... قولتلها متخرجش من غير مكياج وداري بيه الندبة كويس.... اهو جاب نتيجة.

تكمل سعاد قائلة بحذر: بس ابني مش هنا مسافر بره بيشتغل في ايطاليا .....وبصراحة عايزين نجوزهالو ونبعتهالو علي هناك... بس مش عايزين فتره خطوبة... عايزين جواز علي طول... وخير البر عاجله... وهم مع العشره هيتعرفوا علي بعض في فتره الجواز... قولت ايه؟ وخلال فتره كتب الكتاب يشوفوا بعض صوت وصوره في الموبايل.... وبعدين اسألي علينا مره واتنين وتلاته...احنا ساكنين بعدكو بشارعين.

حنان مقاطعه اياه بابتسامه : وفرح هتلاقي احسن من ابنك فين.... اصدقي...انتي من طرف ام جلال الخير والبركة وان شاء الله هرد عليكي خلال يومين.

ولكن تحول وجهها الي اللون الاصفر الباهت بعد ان تذكرت انها اوصت ابنتها بعمل كوبان من العصير وفي اي وقت ستخرج وتخرب كل شئ بسبب تلك الندبة وكل ما خططت له ...ولكن اقسمت لن يحصل وسوف تتزوج به .

سعاد بتوجس: عايزه صوره لفرح ابعتها لابني.

حنان بفرحه عارمه: طبعا ياحببتي.....ثم تخرج صوره الموضوعة باحد الادراج الموجوده بالصالون....وتعطيها صوره لفرح وهي بكامل مكياجها..  
سعاد: ما شاء الله... زي القمر.......

في المطبخ
تمسك فرح الصينية وتهم ان تخرج لكن تقع بالصينية
قائله: انا ناقصة ياربي اجبلهم مانجه منين دلوقتي ...هاعملهم ايه حاجه وخلاص... وامري لله...

سعاد: احنا هنقوم بقا ....عشان سايبه الاكل علي البوتجاز... وخايفة يكون الحاج نسي.

حنان: لا ابداااا.... لازم تشربوا العصير... مش عارفه اتأخرت ليه جوه هقوم اشوفها.

تمسك سعاد من يديها قائله: مره تانيه... عشان مستعجله وبعدن معاي صورتها وشوفتها كمان علي  في السوق ... يلا سلام عليكم.

حنان بانتصار: وعليكم السلام ورحمة الله وبركاته...

فرح: ماما العصير... هم راحو فين؟

حنان بخبث: الحمد لله مخرجتيش

فراح باستغراب: ليه ياماما في حاجه ؟

حنان: لا... ويلا عشان نخلص الاكل عشان زمانهم علي وصول...
**************************
منزل الحج مصطفي البنا

سعاد بفرحه: ياحج مصطفي... ياحج

مصطفي: في ايه ياسعاد.... علي طول كده مفيش صبر.
سعاد: بص شوف... صوره مرات ابنك.

مصطفي: ما شاء الله.... باين عليها الادب والاخلاق.

سعاد: طبعا دي تنقيتي...هو اي حاجة ولا ايه... هات كده الصوره اصورها علي الموبايل وابعتها لمعتز وبعدين اكلمه.

تتصل سعاد بأبنها معتز وفي تلك الفتره كان معتز في فتره استراحه.. يدردش مع احد اصدقائه واذا برساله من والدته يفتحها..... يتعجب وفي نفس الوقت اندهش من جمال تلك الفتاه واد ايه عيونها جميله... ولكن يقترب منه احد اصدقائه الاجانب مارك

مارك قائلا له: مين المزه دي؟!

معتز بضحك: يخربيتك... بقيت مصري اصيل.

مارك بفضول: طبعا ... بس مين المزه دي ؟

معتز: ماما بتقول تحت الصوره خطيبتي....استني بتتصل ؟

مارك بضحك : ماما!

يبتعد معتز عنه ثم يرد قائلا: ازيك  ياماما وحشتيني
عامله ايه؟

سعاد بحب: وانت اكتر يانور عيني... الحمد لله بخير... انت اللي عامل ايه بتأكل كويس؟

معتز : ايوه ياست الكل متخافيش علي... بس قوليلي مين البنت اللي في الصوره دي...

سعاد: خطيبتك...بأذن الله

معتز بضحك: ومين قالك اني هتجوزها!!

سعاد: طبعا هتتجوزها... زي القمر...  ادب... اخلاق... ولسه راجعه من عند اهلها... ومش هلاقي احسن منها لابني.

معتز بصراحه: هي قمر وكمان اول ماشوفتها فيها حاجة بتشد الواحد..... بس لازم اسمع صوتها الاول واشوفها وش لوش اكلمها صوت وصوره وبعدين اقولكم رائي....

سعاد بفرحه: يعني موافق يامعتز ...هتريح قلبي واشوفك عريس.

معتز : هشوفها الاول وهقولك رائي.

سعاد: طيب هم هيردو بعد يومين لو وافقت هخليك تكلمها وطلبت منهم قبل ماتقول تكلمها صوت وصوره وكمان طلبت منهم مفيش خطوبة وهنبعتهالك علي طول .

معتز باستنكار: هو سلق بيض لازم اتعرف عليها الاول

لولا معرفتها بابنها وكام وحده كان خاطبها وفركش بسبب عيب بسيط لا يذكر... لكن لن اترك لك المجال والعمر بيجري ادامي وبشوفك بتكبر .

سعاد بحده: اسيبك زي كل مره تتطلع عيوب هبله في بنات الناس....والله يامعتز قلبي يكون غضبان عليك ليوم الدين... وبعدين العمر بيجري وعايزه اشوف ولادك... وبعدين هتتعرف عليها بالعشره بنكم....وكلها كام يوم وتشوفها تقدر تسئلها علي كل حاجة عايز تعرفها.

معتز : لما نشوف ردهم الاول... لانهاء الحديث... يلا هقفل عشان ورايا شغل

سعاد: في أمان الله

معتز : سلام ياماما.

مارك: ماذا تريد والدتك؟

معتز: هذه الفتاه تريد ان اتزوج بها.

مارك بأعجاب: يالها من فتاه رائعة....فذوقك دائما في النساء جميل

معتز بغرور: نعم ...ثم يغمز له فأنا لدي خبره في النساء ولا يقع تحت يدي الا الجميلات .

مارك بحقد مكتوم: اذا...اليوم سوف نخرج مع باقي الاصدقاء نشرب وأيضا قد أتي ويليام بصنف من الحشايش سيعجبك.

معتز بضحك: كده تبقا حبيبي ياعم مارك.
*************************
في منزل منصور

ماجده: مالك ياحنان وشك مش باين عليه الفرحه ان احنا موجودين.

حنان بابتسامه صفرا: انا فرحانه اهوو.... مش هفرح ان حماتي هنا ليه.... ثم تكمل قائله منورين البيت بيتكم.

نجلاء بغيظ : طبعا ياحببتي البيت بيتا مش بيت اخوي ولا ايه يا منصور؟

منصور: طبعا يانجلاء... وجوزك عامل ايه في شغله؟

نجلاء: اهو مطلعين عينه بس احسن من مفيش ثم تنظر اتجاه فرح قائله باشمئزاز: عامله ايه يافرح؟.... والجرح اللي في وشك  مش هيختفي ولا ايه؟ تعريفي لو مكانك كان زماني مخرجتش بره البيت بسببه... مش ناقصه نظرات وكلام تريقه من الناس.

فرح والدموع بعينيها تنظر اتجاه عمتها صفيه .
صفيه بدفاع: مالها فرح زي القمر وحلوه... كفاية روحها الحلوه... وادبها يانجلاء..... وبعدين مش فاكره ولا ايه ؟ كان عندك نفس الندبه بس كانت في رجلك لولاه ابونا ...رجل كويس وعملك العمليه كان زمانك لسه بندبه زيها.
ثم تنظر اتجاه اخوها لعل قلبه يسكن ويلين اتجاه ابنته ولكن هيهات... حيث نظر في الاتجاه الاخر تارك والدته واخته شامتين فيها....

نجلاء بحقد: بس دلوقتي مفيش ندبة وزي الفل....زي مانتي شايفة وكمان متجوزه.

ماجده (الجده):مالها نجلاء ياصفيه زي العسل ومتجوزه الدور والباقي علي اللي محدش معبرهم ولا حد عايز يبص في وشهم كأنهم عندهم مرض معدي.

تنظر صفية اتجاه فرح تطمئنها متخفيش انا جنبك ثم تتحدث قائله: بكره يجيلها اللي يصونها وميبهدلهاش ويعيرها ولا يقبل ان حد يقولها كلمه في حقها.....

وتهم ان تتحدث نجلاء لكن تقاطعها حنان قائله بابتسامة مليئة بالانتصار: فرح جالها عريس.

*********************
خلص الفصل

اي رايكم ؟؟

كومنتات كتيرررر🤗🤗
وفووووت بقااا💜❤