رواية 😍عشق مجيد ذات وجه دميم😍بقلم / اية محمد
الفصل الثالث😍
حنان بأبتسامة تحمل كل معاني الانتصار قائلة: فرح جالها عريس.
نجلاء وماجده بصدمة ووجوهم باهته تحمل معالم الحقد والكره لكن عمتها صفية تنظر اليها بفرحه فهي تستحق تلك السعادة
لكن تقاطعهم اسراء قائلة: شكله حسن وصل هروح افتح الباب.
تركض اسراء لتفتح الباب وعلي وجهها ابتسامة بلهاء قائلة : ليك عندي حته خبر ؟
حسن بفضول: خير قولي؟
اسراء باستهزاء : فرح جالها عريس ؟
حسن بخبث : ازاي؟!! وهو عارف بشكلها... وان هي عندها ندبة.
اسراء: معرفش... كل اللي عرفته ان جالها عريس.... لسه عارفه حالا...
************************
يدلف حسن واسراء داخل الصالة قائلا
حسن: السلام عليكم جميعا.
جميعهما وعليكم السلام ورحمة الله وبركاته.
هنا تكمل حنان حديثها ويستمع حسن لها ولكن ينظر لبعض الوجوه غير ساره بهذا الخبر وعلي وجه ابتسامة خبيثة ....
حنان : ابنها مسافر بره..... بلد اسمها ايه افتكري يابت ياحنان.... اااه ايطاليا... وتنطق تلك الكلمة ببطء شديد لتستمع لهما عقربتين علي حافه الاشتعال وعيون مليئة بالكره والحقد ...وعايزاها النهارده قبل بكره وقلت اشوف رأي منصور وفرح ؟
فرح بصدمة قد الجامتها قائلة بخفوت : وده عارف اني بندبه ولا ميعرفش ؟؟
حنان : اي رايك يامنصور؟
منصور بحده وغير مهتم بالموضوع : لو عليا عايز اخلص منها النهارده قبل بكره...
لم تتمالك فرح نفسها وتركض الي المطبخ...
حسن بهمس وينظر في اثر اختفائها: وهو انتي لسه شوفتي حاجة.
حسن قائلا لاسراء: هروح الحمام.
اسراء: استني هاجي معاك اوصلك.
حسن : انا عارف مكان الحمام... خليكي واسمعي بيقولوا ايه خليني ننبسط شوية....ويبتسم لها.
**************
دلف حسن داخل المطبخ قائلا بضحك : واخيرااا هنشوفك عروسة بعد مفيش كلب عايز يبصلك... وقعتيه ازاي ده... ويعرف بالندبة اللي ف وشك ثم يضع يده علي كتفها..
لكن تبتعد فرح وترفع يدها وتهبط علي وجه لكن يمسك يديها قائلا: والله القطة طلعلها مخالب...
فرح بقرف وتبتعد عنه: القطة طول عمرها بمخالب وبتخربش كمان... تعرف انك انسان قذر... وانا هقول لاسراء علي كل عمايلك المقرفة.... واد ايه انك انسان قذر ومابتخافش من ربنا.
حسن بنظره مليئة بالثقة : روحي قوليلها وشوفيها هتصدق مين فين.... انتي عارفه هتصدق مين طبعا... انا......عارفه ليه...عشان طول عمرها بتكرهك... لو روحتي قولتلها علي حاجة هتقول عليكي بتغيري منها... ثم يطلق صوت يدل علي الشفقة... تؤ تؤ.... ياحرام اد ايه انا شفقان عليك... لاهل ولا اخت هيصدقوكي....
فرح بغضب: اطلع بره بدل ما صوت وألم عليك البيت كله... ياحقير... حسبي الله فيك وفي امثالك.. متخافش بكره الحقيقة تظهر وتبان علي حقيقتك ليهم...
حسن بابتسامة مستفزه: وماله حقير... حقير.... انا مستني علي نار عشان يعرفوا الحقيقة... هاا... قائلا ببرود... اعمليلي فنجان شاي بس سكر زياده عشان الواحد مزاجه رايق... ويغادر
فرح بحقد: إنسان بارد جتك القرف والله لاقول لاسراء واعمل اللي عليا عشان انجدها منك...
****************************
تخرج فرح وتستمع لكلام والدتها
حنان بنظره مستفزه: كمان راضي بيها وبشكلها وعارف كمان ان هي عندها ندبة ومعندهوش مانع كمان... وتهمس بخفوت... انا ايه اللي هببتوا ده.... يعرفوا ايه بس.... ده لو عرفوا... احتمال ميجوش تاني... بس احسن خليني اغيظ فيهم شوية....
فرح بهمس : ازاي عرف بالندبة ورضي بيا... معقول كلام ماما صح... وفي حد رضي بيا...
صفية بفرحة عارمة: مش قولتلكم بكره يجلها اللي يسعدها ويحبها لطيبة قلبها... وتنظر اتجاه اختها قائلة... شوفتي يانجلاء ام ندبة بتتجوز ومن غيرها بردو بتتجوز...
حنان: كلها يومين ونرد عليهم ونقولهم علي موافقتنا...واهو بالمره تشوفوها بالفستان عشان هنبعتهالو علي هناك... وتضغط بأسنانها علي كلمه ايطاليا... وتبتسم لهم....
تميل نجلاء بكتفها اتجاه والدتها قائلة بهمس: شوفتي حظ العفريته.... مره واحده هتتجوز وتسافر ايطاليا.... مش انا متجوزه واحد عدمان سنكوح.. محلتهوش اللضه... شايفة شمتانه فينا ازاي.. ام البنات.... صحيح حظها حظ عوالم....
يتوجه منصور اتجاة مائده الطعام لانهاء الحديث: يلا عشان نتغدا....
****************************
بعد انتهاء من تناول الغداء
يقف حسن في البلكونة بعد ان اتاه اتصالا من احد اصدقائه.. وتدلف اسراء وتضع امامه فنجان الشاي الذي اعدته ....وتستمع لحديثه
حسن: يعني هتروح عيد ميلادها النهارده؟
مازن بغل: ايوه... هروح النهارده وهعرفها ازاي تطردني من شركة ابوها كويس...
حسن بخبث: بس انت وساره كنتو زمايل في الجامعة ....ميبقاش قلبك اسود.
مازن بفحيح كثعبان: انا هوريها... وهوري خطيبها ازاي يتجوز وحده مغروره اما كسرت كبريائها مبقاش اسمي مازن.... زي ماقولتلك هستناك في الحفلة .....انت عارف المكان ولا نسيت...
حسن: انسي ازاي بس... هاجي ياصحبي متخافش..
بعد غلق حسن الهاتف تتحدث اسراء قائلة بود: انت رايح فين ؟
حسن: حفلة عيد ميلاد
اسراء برجاء: هاجي معاك ارجوك انا زهقت من قعده البيت.
حسن بنرفزه: هتيجي معاي فين... وانا رايح العب... دي حفلة لزميله واحد صحبي وطلب مني اروح معاه..
اسراء بحزن: كنت نفسي اخرج بره شويه.... واكون معاك... انا اسفة اني سألتك من الاول.
يقترب منها ويرفع وجهها وينظر في عينيها قائلا: متزعليش خلاص... يلا روحي البسي عشان عرفك بتقعدي ساعات عشان تلبسي وانا هتستأذن واروح البس انا كمان وهستناكي تحت لما اوصل هرن عليكي.....
اسراء بفرحة: ربنا يخليك ليا ياحبيبي......
*************************
داخل شركة صفوت للهندسة والتصميم.
يوسف : ايه ياعم مجيد مخلصتش لسه... ولا هطول ومش هتروح الحفلة؟
مجيد: لا خلصت اهوو...يلا بينا... نروح البيت ونجهز عشان منتأخرش.
يوسف بضحك: يلا... وانا اللي فاكرك هتقولي لا... ورايا شغل وتنجدني....
مجيد بأبتسامة: برضو هتيجي معاي.... يلا ياعم الوسيم...
****************************
بعد مغادره ( ماجده وابنتيها نجلاء وصفية واحفادها)
تجلس فرح شارده فيما قالته عمتها صفية...
صفية: اقبلي العريس يافرح... اقبلي وعيشي حياتك... بدل الذل والمرمطة
فرح بحزن: حتي انتي ياعمتو انا مش عايزه اتجوز حد معرفهوش....واسافر كمان بلد غريبة عني كثقافة... انا بعرف اتكلم انجليزي كويس جدا.. بس انا مش كل اللي شغال بالي الجواز...عايزه اشتغل ويبقا شهادتي سند ليا...الجواز مش محور الكون..انتي فهمتي اصدي... مين هيقبل بوحده زي...
تقترب صفية منها وتضع رأسها بيديها علي كتفها قائلة : انتي الف واحد يتمناكي ياضنايا.... بصي حواليكي هتلاقي الناس مش بتفكر زيك كده ...انتي لو عدتي سن الثلاثين هتشوفي نظرات اوحش من الكلام نفسه اللي هتسمعيه من الناس ...انا معاكي ان الجواز مش محور الكون.... بس مش نفسك في طفل يندهلك بماما
فرح ببكاء: نفسي اوووي ياعمتو.. بس خايفة اووي لا ميحبنيش يطلع قاسي وملاقيش معاه الحنية اللي مفتقدها... هتجوزه وانا معرفهوش حتي.. نفسي اشوف الشخص ادامي واشوف ردود افعاله لكن بمكالمة بردو مش هعرفه...هقنع نفسي بالمكالمة دي ان احنا متفقين عشان ارض بيه ....انا خايفة اكون اخترت غلط واعيش حياتي كلها في حزن ومع الشريك الغلط....
صفية: انتي لسه عرفتيه ولا حتي اتكلمتي معاه....خليكي واثقة في نفسك شوية... انت حلوه اووي يافرح... ومش معني ان محدش اتقدملك يبقي انتي وحشة وفيكي حاجة غلط... وتكمل بحنان... هم اللي عيونهم مش شايفة غير الجمال الخارجي...لو بصوا جو الانسان هيلاقوا اللي اجمل من الشكل وانتي يافرح نصيبك لسه مجاش... ربنا هيرزقك بالزوج الصالح اللي يعوضك كل حاجة مفتقدها... هيبص لندبة دي علي انها اجمل ما فيكي مش عيب ولا عار... هيحبك بعيوبك قبل مميزاتك اوعي تيأسي من رحمة ربنا ثم تشير الي قلبها ده هيلاقي الراحة اللي محتاجها.. هيلاقي الامان يافرح...
تنظر فرح لعمتها وعبراتها المتساقطةعلي خديها قائلة بصدق : شكرا انك جنبي... شكرا انك حنينه علي... وملاقتش الحنية دي ...في اقرب الناس ليا... متحرمش منك ابدا ياعمتو.
صفية بابتسامة عذبة: يلا قومي صلي صلاه الاستخاره... وادعي يكون الزوج الصالح ليك... ربنا يريح قلبك يافرح... ثم تجفف دموعها قائلة.... مش عايزه اشوفك بتعيطي ابدا... عايزه وشك دايما بيضحك.... ادي لقلبك فرصة بدل ما انتي قفله عليه يمكن معتز يطلع شخص مناسب ليكي
فرح بابتسامة: حاضر ياعمتو
تهتف اسراء بصوت عالي : فرح يافرح... ثم تشير بيديها انتي روحتي فين ؟ سرحانة في ايه؟
فرح: هاا.... كنت عايزه حاجة يااسراء؟
اسراء بغرور: ايه رايك انهي فستان احلي الازرق ولا الاحمر؟ اصلا هخرج مع حسن هروح عيد ميلاد...
فرح بابتسامة : الازرق هيكون جميل عليكي....
اسراء : ماشي
تتذكر فرح حسن وما فعله وتستوقف اسراء قائلة: اسراء عايزاكي في موضوع قبل ماتخرجي؟
اسراء بتكبر: ياريت بسرعة عشان ألحق البس.
فرح بحذر: حسن مش الشخص المناسب ليكي ابدا يا اسراء ... تقف قليل ولكن تكمل بخوف.... حاول يحط ايده علي كتفي النهارده لما كنت في المطبخ... وقالي كلام وحش في حقي... انسان خبيث... اوعي تثقي في ...
اسراء بصراخ: انتي اللي مش عايزاني اتجوزه واقعد زيك معانسه... حسن انسان مؤدب ومحترم ...وعمره مايعمل كده.... انتي بس اللي مضايقه اني اتخطبت قبلك عشان انتي الكبيره وانا اصغر منك وانتي مش لاقيه انسان يعبرك وعايزه تبعدي بنا....
وفي تلك الاثناء تدلف حنان ومنصور علي صراخ ابنتهما
حنان: في ايه يااسراء... صوتك عالي ليه؟
اسراء بحقد قائلة بشراسة: اسألي الهانم بنتك بتقول علي حسن حاول يتحرش بيها وبتقول عليه حقير وانسان خبيث.
ينظر منصور اتجاه ابنته فرح قائلا بحده: اختك بتقول ايه؟
فرح: والله مابكدب يابايا... حسن انسان كداب... وبيكدب علينا كلنا... انسان حقير حاول يحط ايده علي كتفي.
تقاطعها حنان: هو اللي كداب... انتي عايزه تخربي بيت اختك وتبعدي بنهم... عشان مش لاقيه اللي يعبرك.
فرح غير قادره علي الكلام من كثره البكاء وتنظر اتجاه والدها لعله يصدقها قائلا بقسوه: مين اللي حاول يتعدا عليكي... هااا... انطقي... بتلفقي الراجل تهمه ....عشان تفكرشي الخطوبة... ياجبروتك ياشيخة....
اسراء ببكاء: حسن مش كده ياماما....فرح بتتبله عليه ...وعايزه تبعده عني.... عشان هي مش فرحانه... اني مخطوبة قبلها....
تمسك حنان فرح من ذراعها قائلة بقسوه: انتي مش فرحانة لاختك عشان اتخطبت قبلك.
فرح بدموع قهر: والله ابدا ياماما..... صدقوني... لكن تقاطعها والدتها
حنان: اخرسي...والله يافرح بكره لبلغ اهل العريس بالموافقه.... حتي لو انتي رفضه هتتجوزيه برضاكي او غصب عنك.... خلينا نخلص منك ومن قرفك....
منصور: واقسم بالله يافرح لو لقيت اي اعتراض منك... لارميكي بره البيت رميت الكلاب.
تخرج حنان ومنصور وتنظر اسراء لفرح نظرات حقد وكره وتتجه الي غرفتها.
فرح ببكاء هستيري: صدقوني مش بكدب... والله مابكدب.... يااارب.
..... .............
حنان :كنت عايزه اقولك علي موضوع مهم؟
منصور بعصبية:مش هنخلص النهارده..قولي.
حنان بشئ من الخوف: انا قولت ان اهل العريس والعريس يعرفوا ان فرح عندها ندبه من شوية ادام امك واخواتك .... بس هم ميعرفوش حاجة وقولت كده عشان فرح متبوظش الجوازه ومن غلبي والله.
منصور وكأن الموضوع غير مهم: سواء قولتي او مقولتيش بنتك هتتجوزه... وخليها تداري الزفت اللي في وشها بأي زفت خليها تنشكح من هنا مش ناقصه هم علي القلب جتكو القرف فيكو كلكو.
****************************
في فيلا مجيد
رانيا بحب: بسم الله ما شاء الله عليكو قمرين.
يوسف بضحك: كنت عارف في حد ف وسمتي.
مجيد بضحك : طول عمرك واخد في نفسك مقلب.
يوسف : احلي مقلب بذمتك البدله الزرقه مش حلوه علي... هوقع يعني هوقع.....وينظر اتجاه اخاه فهو وسيم للغاية في بدلته السوداء قائلا : بس البدله عامله شغل جامد ...
مجيد بضحك: يلا ياتافه عشان هنتأخر.
*******************************
تركض اسراء اتجاه خطيبها قائلا بأعجاب: القمر شوفته علي الحقيقة اخيرا ثم يغمز لها.
اسراء بغرور: شوفت عشان تعرف مش خاطب اي حد.... اي رايك؟
حسن: زي القمر ياقلبي... يلا اركبي العربية عشان نلحق نروح الحفلة.
اسراء : يلا عشان دمي محروق.
حسن باستغراب: طيب اركبي واحكيلي في السكة.
واثناء الحديث بينهم يقاطعها قائلا: مقولتليش ايه اللي مزعلك؟
اسراء بكره:فرح قالت عليك انك حاولت تتحرش بيها واني ماثقش فيك ابدا.
حسن بنظرات حزينة خبيثة تدل علي مدي استيائه من كلام اختها قائلا: طبعا صدقتيها!!
تقاطعه اسراء : ابدا قلبت عليها....وقولت ان هي عايزه تفركش الخطوبة... عشان غيرانه مني... وبابا وماما وقفو في صفي... وكمان اجبروها علي الجواز من اللي اسمه معتز وماما هتتصل بيهم وهتقولهم ان احنا موافقين... وقربت تسافر كمان.
حسن بصمت : قولتلك متتكلميش محدش هيصدقك... شوفتي اختك اللي من لحمك ودمك كدبتك وامك وابوكي اول الناس كدبوكي... ثم يبتسم اليها ابتسامة تحمل في طياتها المكر قائلا: صدقيني يااسراء انا مدخلتش المطبخ ابدا.... وكل اللي قالته اختك كدب وغيرانه منك مش اكتر ....وانتي اكتر وحده عارفني صح.
اسراء بحب: من غير ماتتكلم انا عارفه انك متعملش كده.... وان عمرك ماتفكر تعمل كده اصلا....
ينظر امامه ويقود سيارته وعلي وجه ابتسامة ماكره قائلا بصمت :... صدقتوا واحد غريب... ومصدقتوش بنتكم.... عيله حقيره صحيح.
*************************
يدلف مجيد ويوسف داخل الحفلة ....تنظر ساره اليه وتقترب منه وهو غاضب من ملابسها الفاضحة.... فهي ترتدي فستان احمر قصير وضيق... عاري الكتفين... تضع مكياج صارخ.... تتقدم نحوه ولكن يوسف يمسك يده قائلا: اهدي كده... اوعي تتعصب خدها علي جنب وفهمها غلطها....
قبل ان تتحدث يمسك يديها ويجذبها خلفه قائله له: حاسب ايدي في ايه يامجيد؟
مجيد بغضب: انا قولت ايه ياساره... قولتلك ابعدي عن اي حاجة ضيقة وقصيره وقولتلك بلاش المكياج ده... انتي حلوه من غيره... لكن ازاي لازم تعنديني.
تقترب ساره منه بدلع وتضع يديها علي ذراعيه لكن يبتعد عنها قائله له : ده هو يوم بس.... عشان خاطري النهارده عيد ميلادي ...ومش عايزه الحفلة تبوظ... اوعدك مش هلبس كده تاني .
مجيد بغضب عارم : وعدتني قبل كده ومفيش حاجة بتحصل ياسارة... انا بجد زهقت من طريقتك وتصرفاتك.... صراحتك بالحاجة اللي بضايقني وبتعمليها.... قولتلك بلاش من اللبس ده وبتلبسيه.. بلاش المكياج وبتحطيه.... سبتك بدل المره الف... وانتي كل مره بتحاولي تموتي نفسك... وتأذي نفسك عشان ارجعلك.....وانتي بردو مش بتسمعي كلامي ولا كلام والدك... اعمل ايه اكتر مابقولك خايف عليك من نفسك ياساره... بعمل كل حاجة تفرحك وانتي علي الحاجة اللي هتفرحني مش راضيه تعمليها...
ساره بحزن: بتعيرني عشان بحبك ومش بأيدي ومش عارفه اتغير.
مجيد: مش بعيرك ياساره ولا حاجة... بفكرك اني زهقت من تصرفاتك.... بجد... زهقت... نفسي تيجي علي نفسك مره... عمر ماكان بالمكياج ولا اللبس الضيق ياساره... اللبس الواسع هيخليكي في نظري ملكه وفي نظر الكل اميره... ارجوكي اسمع كلامي مره في حياتك بلاش اللي بتعمليه ده..
.
ساره بابتسامة: اوعدك يامجيد... اوعدك مش هعمل حاجة تضايقك...
مجيد : عشان اليوم يعدي اطلعي غيري الفستان ده بواحد اطول واوسع.
ساره : بس....
مجيد: من غير بس... يلا وهاجي معاكي..
*********************
تخرج ساره من غرفتها وكانت مرتديه فستان ابيض طويل وواسع.
ساره: ايه رايك؟
مجيد بأبتسامه: حلو جدااا ايوه كده... ايه رايك بقااا شوفتي زي القمر.
ساره: طول ما انت فرحان... انا فرحانه... وبصراحه مكنتش بحب البسه... بس طالما عجبك... يبقا عجبني انا كمان.
مجيد : المهم قبل مايعجبني... تكون راضيه بيه... عشان تحسي بالراحة وانتي لابساه..
**************************
مازن : ايه ياعم حسن اتأخرت كده ليه؟
حسن: الطريق زحمه وعقبال ما اسراء خلصت.
مازن بأبتسامة: اهلا انسه اسراء
اسراء بأبتسامة باهته: اهلا وسهلا.
يميل حسن عليه قائلا: عملت اللي قولت عليه؟
مازن بحقد: قولت اخليك تشوف من الاول... هكسر كبريائها... هخلي غرورها في الارض.
حسن بخبث: هنشوف... مستني اهو.
*************************
خلص البارت 💜
اتمني تعجبكم❤
في حد مضايقكم في الرواية اغيره😂😂😂💚
قولولي رايكم في كومنت بقرأ كل الكومنتات 😂💚
❤💚
تعليقات
إرسال تعليق