رواية عشق مجيد ذات وجه دميم ..بقلمي/اية محمد

😍الفصل السابع😍

اسفة جدااا عن التاخير... بجد كان غصب عني... متزعلوش مني والا.... اموت مجيد وابقا شريره... نيهاهااااا😂😂❤❤

---------------------------------------------------

منصور بقسوه.... يسحب ابنته من شعرها قائلا: فضحتينا والله لربيكي من يوم ماشوفت خلقتك وانا ماشوفتش يوم حلو في حياتي بدأ بضربها امام الجميع ويلكمها في وجهها ...وهي غير قادره علي الحركة بعد ضرب معتز لها وايضا والدها تتمني من اي شخص يقف امامها بأن ينقذها من بطشه

فرح : بابااااا...ماعملتش حاجة... اااه... ايدي مش حاسه بيها... الحقوني

منصور بحقد: اخرسي والله لموتك... ومحدش هيحوشك مني .

فرح بصراخ: اااه... حد يلحقني.

وهنا يدلف مجيد داخل المنزل ويلحقها قائلا : ابعد عنها كده

منصور بغل: انت مين بقاااا... اوع تكون... 

مجيد بغضب : اياك تنطقها... وانا ادفنك مكانك .

منصور: وانت مين بقا عشان تحوش عنها ؟

مجيد : انا مجيد صفوت البحيري... هتجوز بنتك فرح 

نظر اليها فهو لم يتعرف عليها اصبحت هزيله حزينه يائسه اتغيرت بدرجه مخيفه توجد كدمات حول عينيها ووجهها ايضا من اثر الضرب اصبحت انسانه ضعيفه مستسلمه لكل شيء.

ويكمل مجيد قائلا : مش فاكرني ولا ايه... معقول نسيت بالسرعة دي ...

تذكره منصور على الفور قائلا بتلعثم: ا..ا.. ااااه فاكرك طبعا.....وانت تتنسي برضو.. قائلا بهمس لا يسمعه غيره....حد ينسي الفلوس برضو...

مجيد بحده :لو مديت ايدك عليها تاني هتشوف وشي مش هيعجبك .

حنان بحقد: وانت مالك خليه يربيها

مجيد بصوت عالي يدل علي التملك : ماحدش يمد ايده علي اللي  هتبقى مراتي انا هتجوز فرح حالا.

حنان بأبتسامه مليئه بالمكر: وانا اعرف منين انك صادق في كلامك؟

يخرج مجيد الموبايل من جيبه ويتصل على اخيه قائلا له: تجيلي انت وسعد على العنوان ده حالا... وكمان هات معاك الماذون ومن غير اي نقاش..

وماتتأخرش سلام وينهي المكالمة. 

مجيد بغضب: عرفتي ان مابهزرش...بس انتي ماتغيرتيش زي ماانتي من سنين لسه ظالمه ...

ويتحدث بصوت عالي قائلا للجميع: فرح منصور هتجوزها علي سنة الله ورسوله لو سمعت اي حد بيجيب اسمها بالغلط... يبقا ميعرفش مين هو مجيد صفوت البحيري.... 

تنظر سعاد اليه قائله : بكره تسبها زي ماابني سابها... وساعتها هتعرف انك اتجوزت واحده......

يقاطعها قائلا : ابنك مقدرش قيمتها... وانا هصونها وهحطها جوا عيني... ومش بس كده انا شوفتها كمان وراضي بيها لان بحب فرح بكل حالاتها...ويشير بيده..... ممكن تستني عشان تشرب الشربات زي مابتقولوا ... 

سعاد بعصبية : انا ماشية يامصطفي... 

مصطفي : يلا ياسعاد... محدش بياخد اكتر من نصيبه. 

ويتحدث لباقي الاشخاص الذين يتحدثون عنه بانه شخص وسيم زيه ازاي يقبل يتجوز فرح... يقاطع حديثهم لو تحبوا تسمعوا حاجة تانيه خليكوا واقفين.... ولو خلصتو  كلام ممكن يتفضل كل واحد على بيته لو مفيش اساءه يعني ........

بعد غلقه لباب المنزل ...

يتحدث منصور قائلا :بس لازم نتفق على كل حاجه الاول .... كإن مجيد بنك وسيحقق له كل ما يريد...

ويكمل منصور اتفضل معاي جوه عشان نتكلم علي راحتنا 

مجيد بانزعاج: اتفضل

يدخل منصور وراءه مجيد  ويغلق منصور الباب

وتلحق بهم اسراء وتسمع مايقولوه من خلف الباب..

منصور : زي ما انت شايف انت اللي جيت وعايز تطلبها.... لولا انك جيت في الوقت المناسب كان زمانها ميته في ايدي.... 

مجيد باشمئزاز: قول عايز ايه؟

منصور بفحيح كالافعى: نصف مليون جنيه عشان اوافق على الجوازه دي بدل ما اشغلها خدامه في البيوت هتطلع بمرتب حلو وتصرف على البيت برده لان هوديها بيت ناس اغنياء ...او اجوزها لراجل كبير في السن مش هيفرق معاه شكلها ولا غيرو قولت ايه؟..... 

اسراء بصدمه :هيبيع فرح بالفلوس يالهوووي لو مجيد وافق.....(ملحوظه اسراء مشفتش مجيد في حفلة عيد ميلاد ساره عشان كانت واقفه بعيد وكان مديها ظهره).... 

مجيد يهمس بصوت لا يسمعه منصور: طول عمرك كلب فلوس..... ويكمل بغضب قائلا .... مش مكفيك الفلوس اللي اخدتها زمان من اهلي لما فرح وقعت ....عشان تعملها عمليه تجميل بس زي ما انا شايف ولا عملت اي حاجه وهي زي ما هي...

منصور :انا حر اعمل ولا ما عملش مش كفايه خليتها تكمل جامعه ولو عليا كنت مصرفتش عليها.... بلا تعليم بلا قرف اخدت ايه منها غير الفضيحه.....

مجيد بغضب: تعرف لولا انك رجل كبير في السن كنت عرفتك مقامك.

يضحك منصور و تظهر اسنانه الصفراء قائلا: قلت ايه هتدفع ولا اشغلها....

يخرج من  جيبه دفتر الشيكات يقوم باعطائه شيك بمبلغ نصف مليون جنيه...انا ادتك الفلوس دي بمزاجي محدش يقدر يلوي دراعي .... بس اعتبر دول مهر فرح ومش كتير عليها...لو هتطلب ايه....

منصور بأبتسامة  مليئه بحب المال وبلهفه: كده نقول على بركه الله ما تخافش مش هخلي فرح تعرف حاجه عن الشيك ده......

مجيد بتحذير: كده افضل عشان لو عرفت....

. 

يقاطعه منصور قائلا: مش هتعرف... ومتخافش مش هطلب منك حاجه تاني ....وكمان خدها بشنطتها لو على مش عايز اشوف وشها تاني 

اسراء بصدمه :يا نهار ابيض بابا خد منه فلوس وكمان مبلغ مش قليل.... فرح لو عرفت احتمال ماتتجوزهوش..... وكمان بابا خد فلوس منه زمان عشان يعمل العمليه وقال انه مش معاه فلوس... وسابها لحد ما اثرت علي وشها ...يعني طلع كل ده كدب.... 

مجيد: يا ريت تقطع علاقتك بيها..... لانها شافت منك كتير ....لو شوفتك بس ناحيتها ....ساعتها هخليك تتمنى الموت ماطولهوش انت فاهم...

منصور بشئ من الخوف : لو علي مش عايز اشوفها ابدا

تتسلل اسراء  وتجلس بجانب اختها قائلة لها بهمس: عندي ليكي خبر بنص مليون جنية بابا عشان يوافق علي جوازك من مجيد اشترط... يديله نص مليون جنية... ومجيد وافق...وزمان لما كنتي محتاجة فلوس للعملية برضو اهله ادولو فلوس بس بابا استخسر يعملك العملية... وسابك كده...مالك مش بترد علي ليه.... 

كانت تعلم بأن والدها سيستغل الموقف ولكن هذا المره بجشع  ....حتي انها لم تصدر اي رده فعل عندما سمعت هذا الكلام من اختها كان الامر اصبح  عاده لها ....

اشفقت اسراء قليلا على اختها الذي عانت كل هذه المده... ولكن جرس الباب اخرجها من شرودها ذهبت لتفتح الباب... 

يوسف بصدمه: ايه ده معقول مجيد جي يتجوز البت بتاعتي 

اسراء بصدمه مماثله :انت جي هنا ليه... بتاعتك مين ايه الكلام اللي بتقوله ده...

نادي عليه مجيد قائلا:  تعال يا يوسف جبت الماذون

يوسف بعبس :ايوه... بس قولي السبب... ومين اللي هتتجوزها ؟.

يشير مجيد بيده اتجاه فرح قائلا : هتجوز فرح

يوسف بتنهيده: الحمد لله

*****************************

المأذون : ممكن توقع هنا يااستاذ مجيد ...

اخذ مجيد منه القلم ووقع علي عدة أوراق وبصم عليها ايضا 

نظر المأذون الي فرح الجالسة بجوار مجيد قائلا: ممكن انتي كمان توقعي هنا واشار لها بالقلم.....كانت فرح كالالة ليس لها روح سوا انها تتحرك  فقط....

الماذون :اين الشهود؟

يشير يوسف بيده: ايوه انا وسعد ابن عمتي هنكون الشهود.... 

اسراء بهمس: ده بقى سعد ابن عمتك ما هو كويس اهو... مااااشي ...

بعد امضاء الشهود...تم الزواج ودعا لهم الشيخ بالمباركة في زواجهم

ذهب الماذون وسعد وايضا يوسف وكانت خلفوهم اسراء لتغلق باب المنزل لكن يتحدث يوسف بابتسامة قائلا لها: شفتي سعد ابن عمتي ايه رايك فيه؟؟

اسراء :رأي في ايه وانا مالي.... انت بقى اخو العريس

يوسف: احلى نسب ده ولا ايه عقبالنا يا رب

اسراء بحقد:كان على عيني بس انا مخطوبه

يوسف بصدمه قد الجامته: خرج غاضبا حزينا فهي الوحيده الذي احبها .

*********************

ياخذها  من يداها وتسير معه وياخذ في يده الاخرى شنطه ملابسها.... 

حنان بهمس لا يسمعه غيرها : تعرفي ربك نجدك من ايد ابوك....

منصور بفرحه: خلي بالك عليها شيلها في عينك...

مجيد بغضب: ما تخافش مش انت اللي هتوصيني  على مراتي.

تقترب من الباب غير قادره على السير ولكن تتحمل كعادتها قائله بحزن وتضغط على كل كلمه لتسمع كل اذن في هذا البيت قائله :عمري ما هسامحكو ابدا...

ياخذها من يدها ويكمل السير .....تغادر البيت حزينه كئيبه مكسوره كل العيون تنظر لها الا هو فرح للغايه فالان اصبحت زوجته على سنه الله ورسوله... بل رجع لها كرامتها....

تجلس بجانبه حزينه فهي لم تستيقظ من حزنها بعد

مجيدبحب :فرح انت كويسه 

فرح غير مهتمه بالحديث ولا ان تزوجت او تطلقت هي تريد بعد الراحة فقط الراحة

يصل مجيد ويدلف داخل الفيلا

مجيد بابتسامه :نورتي بيتك 

تخرج من السياره وتقف...... لم تصدر اي رد فعل

************************************ 

عند دخوله المنزل

كانت رانيا جالسه في انتظار مجيد بعد ان علمت من يوسف بأنه سيأتي خلفه ....تتحدث قائله: اخوك جاي زعلان ليه قال انه كان معك في حد زعله... في حاجة حصلت في الشركة انتو الاتنين جايين بدري ليه؟!...لكن تقاطع حديثها دخول فرح.... 

وتكمل باندهاش: مين دي يا مجيد؟!!!!...

مجيد : فرح.... مراتي

رانيا بدهشه: مراتك ازاي انت اتجوزتها امتى.... وازاي معرفش ....للدرجاتي يا ابني مليش وجود في حياتكم .....

يقترب منها قائلا بحب: ابدا يا ماما ليه بتقولي كده انت الخير والبركه ملناش وجود غير وانت معانا وفي حياتنا ويهمس لها قائلا هحكيلك بعدين ايه اللي حصل بس خليكي واثقه في دايما 

انتي نسيتي فرح .... ده فرح جارتنا زمان فرح منصور السروجي .....

رغم زعلها من مجيد لكن تعلم ابنها جيدا انه لن يخيب ثقتها ابدا .... وتكمل قائله: اوع تقولي فرح بنت حنان....

مجيد بابتسامة: عليكي نور... لسه فاكره اهو ياست الكل. 

تضرب رانيا مجيد علي ذراعه ضربه خفيفه قائله:فاكرني كبرت ولا ايه... حد ينسي فرح... 

مجيد بضحك: هو انا اقدر اقول كده يارنوش...

رغم زعل رانيا من ابنها لكن لاحظت ابتسامته التي لما تفارقه منذ وصوله... فهو دائما عابس.... لكن الان يضحك علي غير عادته.... 

تقاطعهم فرح قائلة: ممكن اطلع الاوضة بعد اذنكم... 

رانيا بابتسامة: طبعا ياحببتي... خدها يامجيد لاوضتكم 

مجيد : سيبي الشنطه وانا هجيبها... 

دلفت الي الغرفة... 

الغرفة واسعة ....لون الحائط مدهون بلونها المفضل الابيض والاثاث ايضا بلون الابيض.... 

يتحدث اليها بابتسامة عذبة:هسيبك تستريحي لو احتاجتي اي حاجة... نادي علي هكون تحت...

. 

تقاطعه فرح بحده: عايزه اغير هدومي بعد اذنك... 

يخرج مجيد وارتسمت علامات الحزن علي وجهه قائلا بهمس: لسه فاكره يافرح... مش راضيه تنسي ليه.... 

******************************

يجلس مجيد في الصالون بجانب والدته

رانيا: فرح مش هتنزل تتغدى معانا؟

مجيد بحزن :مش هتنزل هتنام

رانيا قائله بحنو: مالك يا حبيبي فيك ايه؟

مجيد بحزن: تفتكري لسه زعلانه مني يا ماما!

رانيا :يااااا  يابني انتو كنتو اطفال وبعدين ذلت لسان وهتلاقيها مش فاكره ونسيت وبعدين لو مش عايزاك هتقبل تتجوزك ليه.... بس قل لي ازاي معملتش العمليه لحد دلوقتي؟

مجيد: ابوها لسه زي ما هو ما تغيرش استخسر يعمل لها العمليه واخد الفلوس ليه... قولتلكو بلاش ندي الفلوس لابوها عشان مش هيعمل حاجه ....زي ما انتي شايفه بتعاني بسببهم ومن الناس بره... تعرفي ابوها عمل فيها ايه... وحكى لها كل شيء من اول قصه زواجها وكلام الناس لحد ضربها وايضا والدتها لم تشفق عليها.... لحد زواجه منها.....

رانيا بشفقه :يا حبيبتي يا بنتي يحصل فيها كل ده انت هتقولي على ابوها ولا امها يا ابني انا قعدت في الحي ده لمده 13 سنه وشفت العجب منهم.... كانوا بيعملوها ازاي .....دايما كنت اقول لحنان اشمعنا بتعملي  فرح بالشخط والضرب وبنتك اسراء مش بتعمليها كده ردت على..... بنتي مش هتكون ضعيفه هخلي شخصيتها اللي كنت نفسي فيها لما اتجوز ....بس اعمل ايه في حظ الهباب وقعت في واحد زي منصور... وفرح خايفه دايما مش بتقدر تاخد حقها.... ودايما بتخلي جدتها وعمتها يشمتو في بسبب تصرفاتها ...لكن اسراء قويه هربيها علي كل حاجة كان نفسي اعملها واحققها... هجوزها لواحد يعيشها ملكة.... بس زي ما انت شايف متغيرتش ابدااا.... 

مجيد بحزن: يااا ياماما هي عانت كل ده.....  

رانيا بشفقة: كتير يا ابني عشان كده ربيتها معاك  وكانت بتعتبرك اعز اصدقائها رغم ان دايما اشوفها وحيده وحزينه وملهاش اصدقاء غيرك انت ... وانت كمان ما كنتش بترضى تسيبها لوحدها تعرفي انا فرحانه انك اتجوزت فرح.... مبسوطه جدا ومش زعلانه خلاص.... المهم تكون فرحان ومبسوط عشان ما شفتش ضحكتك الحلوه دي غير بوجودها ربنا يسعدك يا حبيبي خلي بالك منها يا ابني حطها في عينك عوضها عن الايام اللي شفتها في حياتها اوع تزعلها في يوم.... 

يقبل مجيد يد والدته قائلا بحنان :اوعدك يا ست الكل مش هازعلها ابدا ربنا يخليكي لينا 

رانيا بضحك :طب يلا قوم يا عريس عشان تتغدا وبعدين تطلع عند عروستك ...

مجيد :مليش نفس يا ماما انا هاروح الشركه... بس هاطلع اشوف يوسف زعلان من ايه ملحقتش اكلمه

رانيا: هتروح الشركة دلوقتي وانت عريس...

مجيد : ورايا شغل كتير ....معلش ياماما سبيني علي راحتي. 

*******************************

يطرق مجيد باب غرفه اخيه ثم يدخل

قائلا بأبتسامه: مالك ياختي حزينة ليه؟

يوسف بعبوس : مليش ...مش هروح الشركة النهارده مليش نفس .

مجيد بتسائل: مالك يايوسف في حد مزعلك؟

يوسف: مضايق يامجيد... البنت اللي حبتها طلعت اخت مراتك... 

مجيد: طيب ما دي حاجة كويسة.. ايه اللي يزعلك من كده... 

يوسف: طلعت مخطوبة... وريتني الدبله...

مجيد: وايه يعني مش اول ولا اخر بنت هتحبها...كل واحد وليه نصيبه.... لو ليك نصيب فيها مفيش حاجة هتقف ادامك ابدا... عشان كده ياجوو عايزك تفرفش كده مش من عوايدك النكد يلا عايز اسمع نكته رخمه ....

يوسف: اخرج بره يامجيد

مجيد بضحك: احلي نكته اسمعها اخرج بره يامجيد 

يضحك يوسف ومجيد معا

يوسف بابتسامة: خلاص فرفشت... طلعتني من مود النكد..... 

مجيد : متنساش لو نصيبك فين هيجيلك.. ويتذكر فرح ويبتسم.... 

يوسف : بس قولي... فرح اتغيرت اووي ؟

مجيد: هو في حد بيفضل علي حاله. 

يوسف بفضول: بس بأمانة مش مكسوف من الجرح اللي ف وشها ده مش المفروض... كانت اتعالجت؟

مجيد قائلا بفخر وحب: ابداااا... مش شايف الندبة دي عيب او عار... شايفها جميلة بريئة وبحبها زي ماهي كده....

يوسف بضحك: الله الله.... شكلك واقع ...ومن زمان فاكر نظراتك ليها ومازالت نفس نظرات الحب الله يسهلك ياعم... 

مجيد: قور بقاااا.... 

يوسف: بس قولي ابوها معالجهاش ليه لحد دلوقتي ...وفضل سيبها كده...؟

حكي مجيد كل شئ له قائلا بحزن: شوفت القسوه والجبروت اللي في عيلتها... 

يوسف : خلي بالك منها شكلها عانت كتير ومش هتثق في اي حد... الله يكون في عونها... ويسامح اهلها... 

يومأ مجيد برأسه قائلا: انا هعمل كل حاجة عشان اشوفها مبسوطة وسعيده..... 

*******************************

في منزل منصور السروجي 

ماجده: في ايه يا ابني؟! ايه اللي سمعته ده؟!.... بنتك اتطلقت في يوم صباحيتها ؟!.

تكمل ابنتها التي لا تفارقها في المصايب والمكر قائلة بحقد: عملت ايه بنتك عشان تطلق وتفضحنا بالشكل ده؟!!.... وياريت اتجوزت وسكتنا من كلام الناس.....  الا وهي متجوزه ولا مش متجوزه فضحنا وخلت رأسنا في الارض ....بنتك اللي بسببها مش عارفه اودي وشي من اصحابي اللي هنا فين ...  خليت سيرتنا على كل لسان .....

حنان بغل ولاول مره تدافع عن ابنتها :مالها بنتي يا نجلاء الف واحد يتمناها...ولا اقولك على الكبيره بنتي اتجوزت واحد عمرك ما تشوفيه غير في الافلام والمسلسلات.......

نجلاء بخبث :اتجوزت امتى؟!

حنان: ليه اللي  فتنتلك ما قالتلكيش ان هي اتجوزت واحد كان متربي مع فرح  هنا.... هتلاقيكي عارفه وفاكره امه وابوه كمان اسمه مجيد صفوت البحيري افتكرتيه...

ماجده باستغراب:  اوعي تقولي ابن صاحب شركه الهندسه والتصميم اللى بيجى اعلانها فى التلفزيون نفس اسم مؤسس الشركه 

نجلاء :مش ده اللي كان متربي في الحي مع بنتك وابوه ساب العماره بتاعته اللي كانت هنا وراح سكن في فيلا...

حنان ابتسامه مليئة بالانتصار: عليكو نور هم الاتنين في واحد جار وصاحب الاعلان اللي بيجي في التلفزيون وبصراحه مارفضناش قبلنا على طول وسامه ومال وحسب ونسب ايه.... 

ماجده توجه سؤالها لابنها: وانت رضيت بالمهزله دي؟!....

منصور بابتسامه :وماله ...الراجل شاريها وعايز يتجوزها وقبل بيها بعد ماتطلقت وكانت هتفضل قاعدلنا هنا..... ماقبلش ليه...

نجلاء بحقد قائله بصمت:  متقبلش ازاي؟؟ الاول وقعت على واحد في ايطاليا واطلقت  ورجعتلكو واتجوزت واحد غني وهيعيشها زي الاميرات مش انا طول عمري عايشه في فقر .....وتكمل قائله بصوتها العالي المزعج .....على الله بس تقدر تعيش وتكمل وميتكسفش من ندبتها وبعدين ترجع مطلقه لتاني  مره

حنان باستفزاز: ما تخافيش مش هترجع لان مجيد بيحب فرح وهيشيلها في عينيه مش هيخليها تمد ايديها للايسوي واللي ما يسواش قائله اخر كلمتين باسلوب ساخر ومستفز 

نجلاء بغيظ وبهمس :ماشي يا حنان بترمي على

ماتخافيش بكره ترجعلك وساعتها مش هاسيبك في حالك

ماجده: عايزاك يا منصور في كلمتين على انفراد..

منصور: تعالي يا ماما ندخل جوه الاوضه عشان نتكلم علي راحتنا 

ماجده : عايزه منك 2000جنية لاخوك محتاجهم وبصراحة كان هيستلف من بره بس قولتلو هروح لاخوك وبأذن الله هلاقي معاه...  

يخرج منصور من جيبه 1000جنية ويعطيها لها قائلا: بكره هجبلك باقي الفلوس من البنك مش معاي غير دول دلوقتي.... بصراحه كنت هديهم لحنان تشتري بيهم لبس مجبتلهاش حاجة بقالها سنة.... خديهم خساره فيها 

ماجده بحقد: هاتي يابني خساره فيها ام البنات دي... بدل ماتجبلك ولد ويشيل اسمك...قولتلك كتير اتجوز وانت تقولي اشيل هم اتنين ليه... اهو عجبك خلفة البنات وفضيحهم... بنتك جبتلنا العار والتانية ماشية ورا كلام امها وشوف بتكلمني ازاي.... قليله الحيااء

منصور بضحك: ومالهم خلفة البنات... يوم مافرح اتصابت اخدت فلوس  عشان اعملها عملية تجميل حوالي 100 الف جنية... وعشان كمان اسكت ومروحش البوليس واسجنهم.... وتجوزت نفس الشخص برضو واخدت منه نص مليون جنية... صحيح بكره خلفتهم بس رزقهم واسع.... وبعدين ياحجه مش قولتلي خلي فلوسك في جيبك بكره تخف لوحدها هتصرف ايه عليها مش كفاية مصاريف الجامعة ولما كبرت وبقا الجرح سايب اثر  قولتلي جوزها لوحد متجوز هيرضي بيها او رجل كبير.... وكفاية عليها تعليمها.....

ماجده بحقد: هتروح تصرف عليهم فلوسك ولاد حنان وبعدين سيبك منهم بكره تروح البنك وتسحب 5000 جنية كمان

منصور باستغراب: ليه؟!!!

ماجده: بصراحة عايزه اجيب كام حاجة للبيت عندي بدل اللي اتكسرت دي.... وكمان اخوك طلب مني فلوس عشان يجيب لولاده الشباب لبس وقولتله بعدين ....مصطفي وعمرو لسه صغيرين واخوك قبضه بيسدد بيهم الديون اللي عليه والباقي بيجيب بيهم طلبات للبيت ....لكن ولاده الكبار بيشتغلوا وبيصرفوا علي نفسهم وكمان بيجهزو شققهم....

منصور بابتسامة: حاضر بكره هروح البنك وهجبهم معاي كلهم.....

ماجده: عايزاك بقا تحافظ علي الفلوس ومتصرفش علي البيت كتير... عايزاك زي كل مره تقول مش معاك... انت فاهم اخرهم 200 جنية للسوق ماشي يابني....  

منصور الاهبل😂 قائلا: انا دايما بقول كده ومتخافيش علي ابنك ياست الكل

ماجده الحيزبونة😂: طول ما انا راضية عليك...ربنا هيرضي عنك يابني....(شوفوا ازاي🙄😂)

******************************

مساءا في فيلا مجيد صفوت

يدلف مجيد بعد عمل شاق... لاحظ عدم وجود والدته فابتسم 

داخل غرفته

فرح نائمة بدأ وجهها يتصبب عرقا وتهلوس بكلام غير مفهوم ......

تقف فرح وسط ممر طويل لغاية ليس واسع مضيئ بعد الشيء لكن به شئ غريب ...يضيق عليها ببطئ... وهي تجري بسرعة عسي ان تجد مخرجا.... لاحظت وجود باب مكتوب عليه الخروج لكن يقف امام الباب نفس الثعبان العملاق الاسود المخيف ينظر اليها وهي في دهشة من امرها لا تعلم اين تذهب ...ادارت بظهرها تنظر خلفها اصبح المكان مغلق لا تستطيع العوده سوي من هذا الباب الذي يقف امامه الثعبان... بدأ يزحف نحوها وهي ترتعب خوفا ولا تعلم ماذا تفعل سوي انقض عليها وهي تمسكه بين يديها اخذت تخبط راسه في الحائط لكن الامر الغريب لا يتأثر بشئ به قوه غريبه ونظره مخيفة تدل علي الانتقام لكن هذا المره..... 

يدخل مجيد الي الغرفة 

بدأت فرح تصدر اصوات استغاثه وهي نائمة... انقذوني وتبكي ... اقترب منها وبدأ القلق يساوره جلس بجانبها وبدأ بايقظها وهي تتمتم قائله انت عايز مني ايه... لا... لاااا

مجيد بقلق ينادي عليها بصوت عالي: فرح... فرررح قومي... فررح ده كابوس.. بدأ يهز جسدها بعنف لايقظها... فررررح

استيقظت فرح فجأه  وارتمت في حضن مجيد 

بدأت ترتعش وتبكي... وتتحدث بين بكاءها.. المرادي كان عايز يقتلني.... 

ضمها مجيد ويطبطب عليها قائلا : هشش.... ده مجرد كابوس... انتي كويسة... انا جنبك... وهفضل معاكي... 

فرح بصدمه قائلة بعنف شديد:انت بتعمل ايه هنا... ازاي تقرب مني كده... مين سامحلك وهو عشان اتجوزتني هتتحكم في.... وتشير بيدها محذره اياه.... اياك اشوفك مقرب ليا تاني... انت فاهم... 

******************

انتهي الفصل❤ 

يارب تكون دايما بخير😍😍

بحبكم في الله ❤😍